හිරු සහ අහස

හිරු ගිහින් ලෝ වටා රෑ අහස තනිවෙලා...
හිරු නොමැති තැන ගන්න තරු හිටියෙ බල බලා...
රාත්‍රිය ගෙවී ගොස් නව දිනක් එළඹිලා...
හිරු කිරණ පැතිරිලා ආකාසෙ එළිවෙලා...
.
හිරු ඉන්නෙ අහස්කුස සැතපිලා දින පුරා...
පැයෙන් පැය ගෙවී ගොස් රාත්‍රිය එනතුරා...
නුබ දන්නෙ නෑ හිරුට අහස් ඇත ලොව පුරා...
හිරු පෙරත් අද හෙටත් හිටපු තැන එළි කරා...
.
අමාවක රෑ අහසෙ ඝන අඳුර දුරලන්න...
තරු වලට බැරි එළිය නුබ සරා පතුරන්න...
පායන්න පෙර හිරුට මුව නොපා සැඟවෙන්න...
ඇයි අහස මට බැරිද පුර පෝය සඳ වෙන්න...